ترقی پسند تحریک سے تعلق رکھنے والے مشہور شاعر۔8 مارچ 1921 کو لدھیانہ پنجاب میں پیدا ہوئے۔ خالصہ سکول سے ابتدائی تعلیم حاصل کی۔ گورنمنٹ کالج لدھیانہ سے میں داخلہ لیا۔ کالج کے زمانے سے ہی انہوں نے شاعری کا آغاز کردیا۔ امرتا پریتم کے عشق میں کالج سے نکالے گئے اور لاہور آگئے۔ یہاں ترقی پسند نظریات کی بدولت قیام پاکستان کے بعد 1949ء میں ان کے وارنٹ جاری ہوئے جس کے بعد وہ ہندوستان چلے گئے
کب نام و نسَب کا آدمی ہُوں
مَیں صِرف ادب کا آدمی ہُوں
لینا دینا نہیں کسی سے
مَیں اَور ہی ڈھب کا آدمی ہُوں
رہتا ہُوں فسُردہ دِل ہمیشہ
مَیں شَہر ِ طرَب کا آدمی ہُوں
واقِف ہیں جو اَہل ِ شوق مجھ سے
کہتے ہیں ' غضب کا آدمی ہُوں
جب پہلا گناہ کِیا تھا مَیں نے
ساحِر ! مَیں تب کا آدمی ہُوں
No comments:
Post a Comment